Xeral

O escrutinio deulle á Confederación Intersindical Galega 64 votos, o que supón un 77,10% de apoios. A candidatura de CCOO, o outro sindicato que participaba nestas eleccións, obtivo 17 votos, representando un 20% dos votos.

Traducidos estes votos a delegados, a CIG conseguiu catro dos cinco representantes que se escollían neste proceso para o Comité de Empresa, o que aumenta a maioría coa que a central nacionalista xa contaba.

Os delegados da CIG de Cyrgasa agradeceron a ampla participación e o apoio masivo dos traballadores/as. “Estes resultados confirman a nosa liña sindical e  ratifican o bo traballo realizado polo noso sindicato”, subliñan nun comunicado.

Dende a CIG reclámanlle ao presidente do Goberno galego que deixe de intoxicar á opinión pública ao asegurar que o naval galego vai poder acceder a novos contratos en México. O secretario nacional do Naval da central nacionalista, César Rodríguez, lembra neste senso que:

-Non é posíbel acceder a novas contratacións até que os estaleiros non conten cun novo sistema de bonificación que substitúa ao tax lease.

-O comisario europeo da Competencia recoñeceu, en resposta a unha pregunta da deputada europea do BNG, que aínda non existe unha proposta de tax lease por parte do Estado español.

Ataviados cos buzos de traballo e os cascos, estes particulares confrades sacaron nunha procesión laica polas rúas da cidade dúas imaxes que representan o afundimento dun buque partido pola metade, en clara referencia á situación de Navantia en Fene e Ferrol. Neste senso, o Secretario Comarcal da CIG-Metal, Vicente Vidal, subliñaba que con esta protesta a central sindical busca precisamente evitar o enterro dun sector que segue a ser o principal motor da economía da comarca.

Así o manifestaba Vidal ao asegurar que “non son confrades, son obreiros, e isto non é unha procesión é un drama real”, en referencia aos 17.000 empregos que dependen do sector e á falta de carga de traballo dos estaleiros, que a partir deste verán quedarán sen actividade.

A protesta convocada pola Coordinadora do Automóbil da CIG comezou ás 10.30 horas coa ocupación simbólica do terceiro andar da sede da Inspección de Traballo, onde se atopan as oficinas do xefe provincial do departamento.

Os representantes sindicais solicitaron unha entrevista co responsábel da autoridade laboral, encontro que non se produciu até dúas horas despois. Aproveitaron ese tempo para facer visíbel a protesta no interior das dependencias e despregaron unha faixa na que se podía ler “A nosa saúde non é un negocio. Por unha inspección eficaz e activa”.