naval
A Comisión de valoración de PYMAR non avalará o crédito para o barco 533 que está a construírse en Vulcano
Na mañá deste xoves celebrarase unha asemblea de delegados/as do sector para analizar a situación e iniciar mobilizacións
A decisión da Comisión de valoración de PYMAR de non avalar o crédito para o barco 533 que está a construírse en Vulcano contradí a adoptada inicialmente por este organismo e deixa en situación comprometida a viabilidade do estaleiro. Manoel Simón Graña, secretario comarcal da CIG-Metal de Vigo anuncia que no decurso da mañá deste xoves se celebrará unha asemblea de delegados/as para analizar a situación.
Esta decisión, xunto coa de pechar Juliana evidencia, segundo Graña, que PYMAR “toma unha decisión política refrendada polo Ministerio de Industria e o Goberno Español de abandonar á súa sorte o Sector Naval”.
A CIG denuncia que un operario falecido en Bouzas levaba traballando máis de 15 horas seguidas
Uns 4.500 compañeiros/as secundaron unha xornada de folga no naval para protestar pola falta de seguridade e a precariedade
A federación do Metal da CIG denuncia que o opearario falecido na madrugada do mércores nun accidente laboral en Bouzas levaba máis de 15 horas seguidas traballando. A central critica o incremento da precariedade e da inseguridade que está a vivir o naval. Uns 4.500 empregados/as do sector percorreron as rúas de Vigo en sinal de protesta.
Todos os estaleiros e talleres da comarca de Vigo relacionados co sector naval paraon o pasado día 30 de setembro en protesta pola morte dun traballador de Mintucal que faleceu ao redor das 5 da mañá do mércores cando reparaba un buque. O sector volveu amosar a súa unidade e solidariedade como fai cada vez que morre un compañeiro en accidente laboral.
Os traballadores/as das auxiliares de Navantia mobilízanse para demandar carga de traballo para os estaleiros
O persoal, que teme o inicio de despedimentos masivos, deu lectura ao manifesto “Ferrol sen barcos”
O pasado mércores 15 de setembro os traballadores e traballadoras das auxiliares de Navantia Fene-Ferrol saíron ás portas do estaleiro para demandar carga de traballo que garanta a continuidade da actividade nos estaleiros e polo tanto, dos empregos. Emilio Maceiras, delegado da CIG no comité de empresa de DEPISA, foi elixido pola asemblea de delegados/as para presentar á prensa o comunicado “Ferrol sen barcos”, no que o colectivo de traballadores/as amosa a súa preocupación polo futuro de Navantia en Fene e Ferrol e demanda unha maior implicación das administracións na creación de alternativas industriais para a comarca .
A continuación reproducimos o comunicado dos traballadores e traballadoras da industria auxiliar de Navantia, que o mércores tamén secundaron cadansúa concentración diante dos estaleiros: "Ferrol sen barcos"
A asemblea de parados do naval reparte máis de 6.000 follas informativas á cidadania e no estaleiro de Barreras
Despois do Nadal, retoman a súa actividade os parados do Naval organizados en asemblea pola defensa do emprego no sector e na demanda de regulación da contratación no naval. Sairon ás rúas para repartir dúas follas informativas, na que daban a coñecer a súa situación e o camiño que van tomar en próximas accións.
A primeira das follas informativas repartiuse o mércores 20 de xaneiro diante de El Corte Inglés para informar á cidadania da situación desesperada que están a vivir estes traballadores do naval de Vigo, que "levamos toda a nosa vida no sector, e desde hai uns anos nos están excluindo do sector, porque están a traer contratación máis barata e explotada de fora".
Reparto en Barreras
Fotografías
Vídeos