A sección sindical da CIG en GKN amosa o seu rexeitamento á proposta do ERE para o 2010 nesta empresa da automoción

Versión para a impresiónEnviar a un amigo
09/12/2009
GKN Drivelines, empresa de automoción situada na Zona Franca, presentou un ERE para o 2010 de 45 días en todo ano, de libre disposición para cando a empresa precise estes dias. No 2009, con outro ERE aínda vixente, estanse a facer horas extras e denuncian que os expedientes están a ser utilizados como “ferramenta de flexibilidade a cargo do erario público”. Este expediente de regulación afectaría a un total de 766 traballadores e traballadoras desta factoría.

 

Desde a sección sindical da CIG en GKN denuncian que co ERE en vigor neste ano 2009 se están a facer horas extras. Ademais, salientan que a caída de produción que a empresa argumenta para o 2010 non se ve por ningún lado desde o verán, que houbo un aumento do traballo.

ERE's como ferramenta de flexibilidade

"Consideramos que os ERE's só se deberan aplicar se hai unha situación de baixa produtividade e non como unha ferramenta de flexibilidade", subliñan desde a sección sindical da CIG en GKN.

Afecta a 766 persoas

Por último, engaden que este ERE afectaría a 766 persoas, polo que estamos a falar do ERE que a máis persoas afecta no noso país, e "só sería preciso se as condicións de mercado mudaran e realmente o necesitaran, e non debe ser utilizado pola empresa nin aprobado pola Administración como un mecanismo de enxeñaria financeira ao cargo do salario dos traballadores".

 

Versión para a impresión Enviar a un amigo