A asemblea de parados do naval concéntrase en Freire para demandar de novo a regulación da contratación no sector

Versión para a impresiónEnviar a un amigo
16/12/2009
Desde as nove e media un grupo de desempregados convocados pola asemblea de parados do naval concentrábase ás portas do estaleiro Freire. A asemblea de parados do naval continúa mobilizándose e dando novos pasos para dar a coñecer a problemática dos desempregados neste sector, que quedaron fora pola falta de regulación na contratación no naval.

 

O mércores 16 de decembro desde primeira hora da mañá os parados repartiron panfletos ás portas de Vulcano para solicitar a solidariedade destes traballadores e que sairan no tempo do bocadillo cos parados. Foron moitos os que asi o fixeron, amosando a súa solidariedade e mostrando a preocupación polo futuro do mantemento do emprego no sector.

Asemblea ás portas do estaleiro

Asi realizouse unha asemblea ás portas de Freire, onde se trasladou a problemática da contratación no sector e o crecente desemprego entre os traballadores con traxectoria no sector pola subcontratación a persoal que vén de fora traballar no sector en piores condicións das que marca o sector.

Adiantaron que continuaran mobilizándose até conseguir que se dean pasos en firme que regulen a contratación no sector e que faga posíbel o mantemento do emprego e o futuro para o naval na ría de Vigo.

Presenza policial

Por primeira vez nestas concentracións de desempregados fixo aparición unha dotación de antidisturbios, que transmitiu que non estaba informada a Delegación do Goberno da concentración, e que debian afastarse da porta do estaleiro. Os parados mantiveron a súa convocatoria e só despois de que realizaran a asemblea cos compañeiros de dentro abandonaron a zona.

 

Versión para a impresión Enviar a un amigo